Dramolette aus Österreich, Teil 1

Ort: Geheim, irgendwo zwischen Tulln und Böheimkirchen

Erwin: Bittich, Monika, warum ned?
Monika: Weus afoch ned geht!
Erwin: Oba in Sankt Bödn is do no ollaweu einegaungan. Schau, im Duell mitn Fischer Heinzi, er kriagt hoit a poa Faungfrogn, und i die Frogn, wos ma uns vuahea ausgmocht hobn. Des spü ma in drei Rundn duach, daun no viea Foign "Julia", wo i hoit wiada mei Roin ois Laundeshauptmaun kriag - und dea Schatz im Sübasee gheat uns...
Monika: Eawin, schau, sei gscheid, des mit da Dävau-Konfrontation kriag ma scho hin, oba, du glaubst doch ned wirklich, dass di di Hörbiger no a moi aushoit - glei via Foign...
Erwin: Wos sog i jetzt dem Eanstl, dass i in Radlbrun bleib, oda wos?
Vorhang

search